Kornið sem fyllir mælinn.

Nú er nóg komið. Nú er orðið tímabært að fækka þessu þjófahyski á götunum. Hvar í andskotanum endar þessi fíflagangur eiginlega. N1, Sjóvá, hvað næst?

Eru engin takmörk fyrir því hvað bjóða á þessari vesalings þjóð. Vilhjálmur Þ og Guðlaugur Þór, Gunnar Birgisson og allur framsóknarflokkurinn í Kópavogi hver einasti kjósandi hans þar

Hvar í ósköpunum endar þetta. Kristján Þór á tvöföldum launum og Þráinn Bertelsson einnig.

Svo er bara skorið undan öryrkjum og ellilífeyrisþegum. Það er skiljanlegt með ellilífeyrisþegana þeir ólu okkur náttúrlega svona illa upp að við erum siðblind og erum illa haldin af spilafíkn. En öryrkjar. Halló eru engin takmörk fyrir hugmyndaauðginu?

Rifta kaupum á húsi í Macau

Ríkidæmi skortir ekki.

Gerir fólkk sér ekki grein fyrir kostnaðinum við aðildarviðræðurnar. Góðir Íslendingar. Nú þarf að sýna aðhald í fjármálum ríkisins. Við höfum ekki efni á að fara í aðra útrás líka þeirri sem við fórum í til að brölta uppí öryggisráðið fyrir nokkrum mánuðum. Eru allir búnir að gleyma þeirri Bjarmalandsför sem kostaði þjóðina 1,2 milljarða og árangurinn niðurlægjandi.

58 prósent fylgjandi ESB-viðræðum

Ófyrirséð kostnaðarhlutdeild Jóns við bankahrunið.

Það er erfitt að átta sig á hvers vegna óvissan er svona mikil. Hvers vegna er svona mikilvægt að endurfjármagna þessa banka?

Það er alveg ljóst að mestu mistökin felast í því að reyna að halda bönkunum opnum. Einfaldast, ódýrast og skilvirkast hefði verið að innsigla þessa banka jafnóðum og þeir hrundu, hleypa ekki neinum starfsmönnum þar inn heldur ná að rannsaka bókhaldið í ró og næði með þar til færu fólki. 

Víðsvegar um landið eru reknir sparisjóðir sem geta gagnast okkur fullkomlega og hefði ekki orðið nándar nærri eins dýrt að styrkja til verksins af ríkinu eins og að halda bönkunum gangandi auk þess sem það hlýtur að reynast snúið að halda gömlu og nýju aðskildu innan veggja bankanna þar sem starfsfólkið er að mestu síðan fyrir hrun.

 

Þyngri róður en áætlað var

Enn E S B

Mikil andskotans þráhyggja er þetta. Það verður að fara að halda utan um kostnaðinn við þetta sífellda röfl um ESB aðild. Þingheimur situr allur ásamt starfsmönnum og hlustar á þetta raus sem engu mun skila.

Annað kemur mér spánskt fyrir sjónir.

Hvað erum við búin að mennta marga hagfræðinga, viðskiptafræðinga og lögfræðinga? Er ekkert hægt að nota þetta lið til nokkurs nýtilegs verks? Er nám þessa fólks ekki að skila nokkrum sköpuðum hlut? Hvað á það að þýða að þingfundir samanstandi að mestum hluta af hagfræðingum, viðskiptafræðingum og lögfræðingum en þeir einu sem eitthvað hafa til málanna og hafi eitthvað haft til málanna að leggja fram að þessu skuli vera jarðfræðingur og flugfreyja.

Hvers konar samansafn fábjána er orðið í þinginu eiginlega?

Annaðhvort leysið þið málið NÚNA eða drullist heim til ykkar.

E S B

Í allri umræðunni um aðildarviðræður við ESB gleymist líklega hið nærtækasta í öllu málinu sem er kostnaðurinn við viðræðurnar.

Fyrir nokkrum mánuðum kvittaði fyrrverandi utanríkisráðherra upp á reikning fyrir hönd þjóðarinnar að upphæð 1,2 milljarðar. Sá reikningur var til kominn vegna atorku og ódrepandi dugnaðar nokkurra fyrrverandi utanríkisráðherra þjóðarinnar við að reyna að komast í Öryggisráð Sameinuðu þjóðanna.

Með hliðsjón af þeim reikningi þar sem allmargir opinberir starfsmenn þeystu um grundir erlendra ríkja til að "afla fylgis" við bröltið, þykir mér einsýnt að kostnaður við aðildarviðræður sem munu að minnsta kosti taka 5 ár verða í það minnsta 2,5-3,5 milljarðar.

Mín skoðun er sú að nær væri að láta þessa útrásardraumavíkinga hafa eitthvað annað verkefni en að véla um þjóðmálin.

Ég hef bara ekki efni á að halda svona herdeild uppi í einn dag hvað þá allt að 5 ár, en þú?

Hugsum um lýðræðið.

Það er mér mikið ánægjuefni að þingmenn VG skuli ekki vera undir járnhæl flokksaga. Auðvitað eiga þingmenn að fara að eigin sannfæringu, hvort sem þeir eru þingmenn VG eða annarra flokka. Hverskonar andsk. þrælahald á að líða? Alveg finnst mér nóg að Sjálfstæðismenn og Framsóknarmenn skammist innbyrðis yfir flokksóhollustu innan sinna raða.

Leyfum okkar þingmönnum að strjúka um frjálsan skallan ef þeir svo kjósa og hættið að bulla um einhvern flokksaga. Skárra væri það nú ef þingmenn VG fara að leika einhvern Júdas eftir stærsta kosningasigur vinstri flokks í sögu lýðveldisins. Sá sigur vannst með opinni umræðu innan flokks og utan um öll helstu mál sem snerta þessa þjóð.

Áfram VG og niður með íhaldið.

Óttast klofning í VG

Launalækkun.

Ef halda á áfram á þeirri braut að borga bara og borga skuldir óreiðumanna og spilasjúklinga, verða þeir sem ákveða og varða leiðina að taka á sig launalækkun. Ráðherrar, skilanefndir, bankastjórar og aðrir slíkir verða að gjöra svo vel og afþakka hluta af launum sínum. Það er bara sanngjörn krafa að þeir taki á sig verulega lækkun. Hvað hefur þetta fólk að gera við tekjur upp á á aðra milljón þegar hluti þjóðarinnar hefur ekki oní sig eða á.

Hið sama á auðvitað við um forstjóra greiningardeildar Samfylkingarinnnar hinn knáa Gylfa Arnbjörnson sem brotið hefur allar brýr að baki sér sem forseti ASÍ. Hefur komið fram sem slíkur og haldið þvílíkar heilaþvottaræður um ESB, nokkuð sem hann hefur enga minnstu heimild til að gera sem forsvarsmaður fjöldasamtaka á borð við ASÍ.

Ef íbúar þessa lands eiga að sitja uppi með þær byrðar sem spilafíklarnir hentu af sér, ber að byrja á að leggja á þær herðar sem breiðastar eru. Þar eru auðvitað hálaunaliðið hjá því opinbera fremst í flokki.

Ekki útilokað að hæstu laun ríkisstarfsmanna lækki

Afturfótafæðing dauðvona aldamótaunglings.

Hvers konar skrípaleik er verið að fara í hér?

Heldur ritari þessarar greinar virkilega að almenningur trúi þessari dauðans þvælu. Að einhver 90% kvótans hafi gengið kaupum og sölum er helber lygi. Hins vegar er mjög líklegt að 20% kvótans hafi verið selt allt að þrisvar sinnum. Ég bið lesendur þessarar bábilju að halda fyrir allavega annað augað meðan þessi endemis Heimdallarþvættingur er lesinn, eða bara að sleppa því að lesa þessa lygaþvælu.

Segja fyrningu aðför að 32 þúsund fjölskyldum

Rakalaus hræðsluáróður.

Frjálsar strandveiðar uppá heil 8.000 tonn eru nú þegar nánast búnar að rústa allri byggð á sunnanverðum Vestfjörðum og það meira að segja áður en nokkur hefur rennt færi.

Hefur nokkur Íslendingur í sögu kvótasettra fiskveiða við Ísland séð aðra eins hræðilega útreið og þarna er þegar orðin. Ekki man ég lengur hvað þurfti að segja mörgum upp á Bíldudal þegar þorskkvótinn var skorinn niður um 60.000 tonn fyrir aðeins nokkrum misserum. Miðað við allan þennan mannfjölda sem missir vinnuna nú, geta varla verið fleiri en 4 íbúar eftir í plássinu.

Skyldu þeir ALLIR kjósa Einar Kristinn Guðfinnsson?

Hræðsla, kunnáttuleysi, vanþekking.

Í framboðsumræðunum á Selfossi fyrr í kvöld kom Ármann Einarsson með fyrirspurn til Atla og Björgvins um Nóaflóðið á eftir fyrningarleiðinni. Þessi gífurlegi hræðsluáróður kvótahafanna er alveg skiljanlegur. Auðvitað vill enginn breyta því sem gefist hefur vel hjá mér. Það þarf að útskýra þessa fyrningarleið aðeins betur fyrir almenningi.

Það að fyrna 5% á ári þýðir alls ekki að þessi sömu 5% hverfi af sjónarsviðinu. Dæmi: 2000 tonn úthlutuð, 5% fyrnast eða 100 tonn. Það mundi þýða að 1/3 eða 33 tonn kæmu til baka en þó yrði um leigu að ræða, 33 tonn yrðu ennfremur tryggð í byggðalaginu en 33 tonn færu á almennan markað sem mundi þó ekki þýða að færu eitthvað annað ef heimamaður næði að leigja þau.

Það er ákveðin hræðsla við að ræða þessa leið og með sanni má segja að leiðin sé ekki gallalaus. Hins vegar eru á henni minni gallar en því sem er í dag. Í dag fá menn úthlutað kvóta en eru ekki settar nema mjög takmarkaðar skorður gagnavart veiðiskyldu. Þeir mega sem sagt leigja frá sér heimildirnar. þar þarf leigutakinn að staðgreiða kvótahafanum sem borgar ekki fimmeyring í tekjuskatt af leigutekjunum. Er undarlegt þó þessir höfðingjar vilji viðhalda leiguliðakerfinu.

Reyndar er að mínum dómi önnur aðferð en fyrningarleið mikið skynsamlegri og skilvirkari. Hún er einfaldlega sú að bolfiskkvóta verði úthlutað á nýjum forsendum fyrir næsta kvótaár. Ég mæli með að við förum þá leið að úthluta kvótanum með tilliti til fenginnar veiðireynslu síðustu þriggja ára eins og gert var í öndverðu og framsalsheimildin lögð alfarið af. Þessi aðferð yrði fyrsta skref í réttlætisátt og einnig fyrsta skref til nýliðunar í greininni án þess að til óbærilegra skuldsetninga kæmi.

Þó vil ég tak eitt alveg sérstaklega fram. Við skulum halda í heimildina til tegundartilfærslu.