Færsluflokkur: Stjórnmál og samfélag

Sendiráð í Austurríki.

Hvað er eiginlega verið að gera við sendiráð í Austurríki? Hvaða mislukkaða stjórnmálamanni þurfti að koma fyrir í sendiráði þegar það var stofnað? Andskotans óráðssía er þetta.
mbl.is Bókari sendiráðs kærður fyrir fjárdrátt
Tilkynna um óviðeigandi tengingu við frétt

Ögmundur stendur á sinni sannfæringu.

Eins og sannur verkalýðssinni og fulltrúi alþýðunnar. Ef til vill skilst Jóhönnu í þetta sinn að það er ekki endalaust hægt að skella í góm ef einhver samstarfsmaður hefur aðra skoðun en hún. Svo hofmóðug má hún ekki vera. Það er einungis tímaspursmál hvenær fleiri þingmenn VG láta af þjónkun við þennan samning sem Samfylking og Sjálfstæðisflokkur bjuggu til í losti á liðnum vetri. Við sem tilvonandi greiðendur þessa ósóma hljótum að krefjast þess eindreigið að samningurin verði látinn hverfa og við látum Breta og Hollendinga sækja sitt mál á hefðbundin hátt.
mbl.is Ögmundur segir af sér
Tilkynna um óviðeigandi tengingu við frétt

Kennderí.

Smá öl, hvað er það milli kjósenda og þess kjörna. Leyfum kjósendum að dæma fulltrúa sinn. Það kom sér að hann var ekki kominn með hiksta manngarmurinn. Verra var kannske ef hann var að sulla í boði banka sem ætti nú að gera eitthvað annað við fjármunina en hella öli oní fyllibyttur.
mbl.is Ragnheiður: Ekki þinginu sæmandi
Tilkynna um óviðeigandi tengingu við frétt

Ótrúlegar sjónhverfingar

hjá þessum mönnum. Framferði þessara spilafíkla hefur valdið mörgum fjölskyldum gjaldþroti, gjaldþroti sem þær hafa hreint ekki átt nokkurn minnsta þátt í. Svo gapa þessir uxar um stærsta skell hér og þar. Þeir rændu þjóðina um hábjartan dag og liggja svo grenjandi eins og fáráðlingar og kenna öllum öðrum um. Hvað eiga þessir skrumarar að ganga lengi lausir, ég bara spyr mig? Á ég að þurfa að taka af skarið og fletta niður um þessa menn og flengja þá opinberlega með eigin hendi? Ég er tilbúinn í það og ég veit að ég fengi dygga aðstoð við að rykkja niður um þá brókunum svo eftirleikurinn verði auðveldari. Það eiga þeir svo sannarlega skilið svo margir landar þeirra hafa misst allt niður um sig.

Ég ráðlegg þessum spilasjúklingum að snarast hér inn fyrir 200 mílurnar með allt sitt hafurtask, leggja það inn í einhvern bankann okkar og skella sér svo í meðferð að hætti þeirra sem hafa uppgvötvað að það er líf eftir síðasta fyllerí.


mbl.is Fengum langmesta höggið
Tilkynna um óviðeigandi tengingu við frétt

Lausn sem dugir.

Fólk sem skuldar húsnæðislán er eðlilega uggandi um framtíðina. Hugmyndin er að sú upphæð sem fólk hefur greitt í verðbætur frá 1. jan. 2009 verði dregin frá stöðu höfuðstóls eftirstöðva lánsins og lánstíminn styttur jöfnum höndum. Með því að breyta verðbótaþættinum í afborgun af höfuðstól fá þeir heilögustu af öllum heilögum þ.e. sparifjáreigendur þessa lands fjármuni sína til baka með þeim skilum sem þeim ber nema á mikið skemmri tíma en í upphafi var ráðgert. Þannig geta þeir lánað sömu aurana mikið oftar en ella og gert þannig hvert góðverkið á fætur öðru án þess að almenningur sé rændur um hábjartan dag með dyggri aðstoð löggjafans.
mbl.is Vaxandi þrýstingur á að afskrifa íbúðalán
Tilkynna um óviðeigandi tengingu við frétt

Dómur yfir eigin fláræði.

Það er umhugsunarvert að spilafíklarnir skuli kenna hverjir öðrum um að hafa haft rangt við við spilaborðið og vera svo með hótanir um að ganga að almenningi sem hvergi kom nærri og rýja af okkur það litla sem hugsanlega finnst á sparisjóðsbókum. Við hljótum að kalla eftir dómi yfir þessum fáráðlingum sem eru í bullandi afneitun vegna síns eigin glæps sem felst í því að ræna og rupla heilu þjóðfélögin. Ein til tvær svona hótanir í viðbót og mælirinn er fullur. Þessi rumpulýður, þ.e. forsprakkar bankanna sem ollu hruninu verða að sjálfsögðu látnir svara til saka, hengdir upp á löppunum á Austurvelli, lúbarðir vegna þess að það gleymdist í uppvextinum og að lokum sviptir ærunni og að sjálfsögðu eftirlaununum. Ekk hvarflar að mér eitt einasta augnablik að halda mönnum eins og Davíð Oddssyni uppi á risa eftirlaunum hafandi verið einn aðalgerandinn í að skapa þetta fáránlega umhverfi fjármálaheimsins með þeim hörmulegu afleiðingum sem við upplifum í dag.
mbl.is Höfða mál vegna neyðarlaganna
Tilkynna um óviðeigandi tengingu við frétt

Sammála.

Ég skipaði 6. sæti á list VG. í Suðurkjördæmi í síðustu kosningum.

Ég lýsi mig hjartanlega sammála þessu bréfi og vil bæta við að sú kostnaðaráætlun sem Möltufálkinn Össur lét gera varðandi aðildarumsóknina er í besta falli til að gera grín að. Þar gleymist að gera ráð fyrir allt of mörgu eins og Jón Bjarnason og fleiri hafa bent á. Skemmst er að minnast síðustu tilraunar til útrásar sem stóð í hátt í áratug og kostaði margfalt það sem lagt var upp með. Þar á ég við bröltið við að reyna að komast í öryggisráðið.


mbl.is Steingrímur „ómerkingur orða sinna“
Tilkynna um óviðeigandi tengingu við frétt

Tala skýrar.

Annaðhvort verður formaður utanríkismálanefndar þingsins að tala skýrar eða yfirlögfræðingur Seðlabanka. Það eru ekki ný tíðindi að bombur komi úr Seðlabankanum en maður hefði nú haldið að alvöru embættismaður mundi nota annarskonar tækni við að koma sjónarmiðum sínum á framfæri en hinn "margfrægi" fyrrverandi Seðlabankastjóri. Er kannske orðið tímabært að leggja Seðlabankann niður í núverandi mynd fyrst pöntuð álit hans stangast á við sjónarmið og stefnu sitjandi ríkisstjórnar. Þetta er kunn aðferð við óþekkar ríkisstofnanir.
mbl.is Ekki formleg umsögn Seðlabanka
Tilkynna um óviðeigandi tengingu við frétt

Tæpir 2.400 metrar

Í flestu eigum við met Austur-Skaftfellingar. Með þessu bætum við enn um betur og aukum fjarlægðina frá himnaríki til þess neðsta.

Hvað væri ef Framsóknarflokkurinn hefði ekki tekið upp á því að mæla Hnjúkinn niður á sínum tíma. Dæmalaust athæfi að velja ágústmánuð til að taka hæðarpunktinn. Þá værum við að tala um rúma 2.400 metra sem er mikið skemmtilegri tala en svona hefur nú blessaður framsóknarflokkurinn komið fram við okkur sí og æ. Hvað verður það næst?


mbl.is Jökulsárlón tekið við sem dýpsta vatn Íslands
Tilkynna um óviðeigandi tengingu við frétt

Réttum af kúrsinn.

Við skulum taka rétta stefnu strax í upphafi. Við getum ekki horft uppá að ellilífeyrisþegar og öryrkjar séu látnir taka þátt í að halda uppí storminn. Við sem höfum afl og getu verðum að taka að okkur að halda um stýrið.

Við verðum að taka á okkur auknar álögur í formi tekjuskatts umfram allt. Það er betra að byrja strax og geta þá frekar slakað á fyrr ef stætt verður heldur en að draga þennan óskapnað yfir þá sem síst skyldi þ.e. aldraða og öryrkja. Förum með hátekjuskattinn niður í 450.000.-

Svo verðum við bara að vona að íhaldið og framsókn lognist endanlega útaf eins og allt bendir til.


mbl.is Stöðugleikasáttmála ógnað
Tilkynna um óviðeigandi tengingu við frétt

« Fyrri síða | Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband