Réttum af kúrsinn.

Við skulum taka rétta stefnu strax í upphafi. Við getum ekki horft uppá að ellilífeyrisþegar og öryrkjar séu látnir taka þátt í að halda uppí storminn. Við sem höfum afl og getu verðum að taka að okkur að halda um stýrið.

Við verðum að taka á okkur auknar álögur í formi tekjuskatts umfram allt. Það er betra að byrja strax og geta þá frekar slakað á fyrr ef stætt verður heldur en að draga þennan óskapnað yfir þá sem síst skyldi þ.e. aldraða og öryrkja. Förum með hátekjuskattinn niður í 450.000.-

Svo verðum við bara að vona að íhaldið og framsókn lognist endanlega útaf eins og allt bendir til.

Stöðugleikasáttmála ógnað

Athugasemdir

[Sara (IP-tala skráð) 24.6.2009 kl. 20:10]

Er ekki allt í lagi?? 450 þús? Hvernig ætlastu til að fólkið í landinu taki því? Get alveg lofað þér því að fólk hættir að vinna, fer á atvinnuleysisbætur og að vinna svart!! Verður ekki þess virði að vinna þegar allt er tekið í skatta! Spurning um að hugsa dæmið til enda!

[Gísli Einars. (IP-tala skráð) 24.6.2009 kl. 20:33]

Alveg innilega samála að fara með hátekjuskattin niður í 450.000-, fólk hefur ekkert við meira að gera. Ég væri mjög sáttur ef heildarlaun okkar hjóna næði samanlagt 450.000- á mánuði. Og ég vil taka fram að við lifum allveg þokkalega af launum sem eru innan vel innan við 450.000- á mánuði.

[zappa (IP-tala skráð) 24.6.2009 kl. 22:40]

hvernig ætlarðu Hannesi Smárassyni og samlöndum að lifa ef þeir þurfa nú að fara að borga skatta svona almennt,það dugði honum ekker minna en 50mills í bíóferðir og snakk 2006..

[Þórbergur Torfason, 24.6.2009 kl. 22:59]

Sara. Ég er ekki að tala um að allar tekjur upp að 450þús. verði skattlagðar í hátekjuskatt, heldur bara sá hluti sem er yfir 450þús.

Það virðist vera einhver alvarlegur reikningsfeill í mörgum Íslendingum þegar kemur að þessu.

Þegar talað er um hátekjuskatt yfir einhverjum ákveðnum mörkum, er átt við að  skattleggja aukalega einungis þá upphæð sem er yfir þeim mörkum.