Vísir, 12. feb. 2009 11:25

Landsbankasvindlið á Spáni teygir sig til Cote d´Azur

Landsbankasvindlið á Spáni teygir nú anga sína yfir Cote d´Azur leikvöll þeirra frægu og ríku í suðurhluta Frakklands. Fjallar er um málið á vefsíðunni euroweekly.com.

Eins og fram kom hjá Fréttastofunni fyrir áramótin er töluverður fjöldi breskra ellilífeyrisþega á Spáni, einkum Costa Blanca og Marbella í málaferlum gegn Landsbankanum í Luxemburg þar sem þeir telja að bankinn hafi staðið að fjársvikum með því að bjóða þeim upp á sérstakt fjárfestingarverkefni sem bankinn sagði 100% öruggt og án áhættu. Afleiðingarnar eru að Bretarnir eru margir að missa húseignir sínar á Spáni.

Verkefnið gekk út á það að fólkið veðsetti eignir sínar á Spáni og fékk 1/4 af láninu í peningum til sín en 3/4 fór í fjárfestingarasjóð á vegum Landsbankans og átti ávöxtun sjóðsins að standa undir afborgunum og vöxtum af viðkomandi láni.

De la Cruz lögmaður Bretanna á Costa Blanca segir að eftir að hafa lesið yfir þá samninga sem bresku ellilífeyrisþegarnir gerðu við Landsbankann í Luxemburg kemur í ljós að fólk hefur greinilega verið svikið og blekkt illilega.

Sem dæmi nefnir hann að í samningnum komi fram að viðkomandi þurfi ekki að greiða erfðaskatt en slíkar alhæfingar fást ekki staðist skv. spænskum skattalögum. Einnig nefnir hann að Landsbankinn hafi ekki haft starfsleyfi á Spáni og að þetta fjárfestingarverkefni bankans brjóti gegn spænskum lögum og reglum.

Samkvæmt frásögn euroweekly.com hafa kröfuhafar í þrotabú Landsbankans í Luxemborg nú fengið leyfi til að taka yfir fasteignatryggingarnar á Spáni. Þar með sitja yfir hundrað breskir ellilífeyrisþegar í súpunni með skuldir upp á samtals 40 milljónir evra eða tæpleg 6 milljarða kr..

Jafnframt greinir vefsíðan frá því að svipað mál sé nú í uppsiglingu á Cote d´Azur þar sem bankinn bauð upp á svipaða samninga og á Spáni.

Er ekki orðið tímabært að loka þessa andskota inni í ótiltekinn tíma.

Það er ekki verjandi að þessir menn gangi lausir.

Athugasemdir

[Sigurpáll Ingibergsson, 14.2.2009 kl. 13:04]

Já, segðu.

Á sama degi komu einnig fram  staðhæfingar um peningaþvætti fyrir rússnesku mafíuna.

Þetta er nú meiri ormagryfjan sem við hrærumst í. Ímynd landsins er fyrir vikið skelfileg.  

Í Mogganum í dag er sagt frá niðurstöðu William Gershom Collingwood um Ísland. Sumarið 1897, árið sem byggð hófst á Höfn, ferðaðist hann um landið. Þetta skrifaði hann nærri ferðalokum:

..Aftur á móti virðist engin lifandi sála bera skyn á vísindalegar staðreyndir, efnahagsleg sannindi, stjórnmálalegt raunsæi eða nokkur önnur fræðileg efni. Þeir eru haldnir hvers kyns hugarórum."

Hefur okkur ekkert farið fram hundraðogellefu árum síðar?  Ekki virðast Sjálfstæðismenn átta sig á því.