Kröfur úr öllum áttum.

Hvernig ætli standi á því að ekki finnst nægilegt magn af loðnu svo Hafró geti gefið skotleyfið?

Getur verið að viðvarandi ofveiði síðan á áttunda áratugnum sé ástæðan?

Hvað er að gerast í Barentshafi?

Er göngumynstur loðnunnar orðið gjörbreytt?

Ég held að "hagsmunaaðilar" sem eru ekki eingöngu yfirmenn á uppsjávarveiðiskipaflota Vestmannaeyinga verði bara að þreyja þorrann ásamt öllum öðrum landsmönnum.

Ef til vill þurfa menn að líta sér nær þegar gefnar eru út yfirlýsingar í milljónatugum. Hvernig er til dæmis með fullvinnslu bolfiskafla?

Mér svona datt þetta í hug.

Vilja hefja loðnuveiðar strax

Athugasemdir

[Níels A. Ársælsson., 14.2.2009 kl. 23:54]

Einmitt.

[joi (IP-tala skráð) 14.2.2009 kl. 23:55]

Líklega er þetta satt hjá þér með ofveiðina. Það ætti hins vegar að vera óhætt að leyfa þessum 15-20 skipum að taka einn til tvo túra núna þegar loðnan er verðmætust? Skiptin eru klár. Menn hefðu þá kannski eitthvað upp í kostnaðinn við að halda úti fullbúnum flotanum með mannskap? 60 þús. tonn ættu að duga. Veðrið ætti að vera í lagi næstu dagana, svo þetta ætti að takast. Spurning um að drífa bara í þessu.

Það er annars góð tilbreyting að lesa svona greinar frá þeim í Vestmannaeyjum, sem eru skrifaðar á mannamáli.

[Þórbergur Torfason, 15.2.2009 kl. 00:15]

Sjónarmiðið er vel skiljanlegt Jói en útlitið með loðnustofninn gefur bara hreint ekkert tilefni til veiða úr honum. Ég yrði manna fegnastur ef fiskifræðingunum hefði yfirsést í leitinni en í henni hafa tekið þátt mörg veiðiskip og þar um borð eru margir reyndir nótaveiðiskipstjórar. Við verðum að vona það besta. 

[Fannar frá Rifi, 15.2.2009 kl. 01:17]

menn misstu sig og fóru að veiða allt upp undir milljón tonn á árunum 2000 til 2002. það átti aldrei að leyfa. það á aldrei að leyfa meiri veiðar nokkurntíman en  300 til 400.000 tonn af loðnu. og það á að veiða hana í nót þegar hún er kominn alveg upp að landi. ódýrara og hún er verðmætari.

[joi (IP-tala skráð) 15.2.2009 kl. 01:57]

Það ætti auðvitað bara að taka loðnuna í grunn-nót þegar hún er gengin upp að landinu. Það er dýrt og óhagkvæmt að vera að skarka loðnuna með flottrolli. Menn voru meira segja farnir að ná loðnu fyrir jól í nót. Marga túra stundum.

Núna er verðmætið mikið fyrir loðnuna. Þessi tala 50-70 þús tonn ætti ekki að hafa mikil áhrif á viðkomuna. Þetta snýst um að hvert skip fái að taka tvo fullfermistúra, og verði búin að taka þetta áður en hrognafylling fer yfir ákveðið mark, þannig ætti að nást mest verðmæti fyrir þetta.

[Auðbjörg (IP-tala skráð) 15.2.2009 kl. 10:44]

Þetta skiptir einnig gríðarlega miklu fyrir margt af því fólki sem vinnur í fiski og er ekki með mikil laun. Loðnuvertíðin og síldarvertíðin gera það að verkum að hægt sé að lifa á þessum launum. Einnig skaffar þetta hópi af fólki vinnu. Það þarf að fjölga mjög í frystingunni í stöðvunum sem skapar þar af leiðandi vinnu.

Einnig skapar þetta dýrmætan gjaldeyri. Það sem ég skil ekki er hvað Hafró og sjómennirnir eru með ólíkar skoðanir á magninu. Það þarf enginn að segja mér að allir skipstjórarnir séu að ljúga til um magnið, þetta eru menn sem eru búnir að vinna áratugum saman á sjónum (ekki mikil endurnýjun) og þér lifa á þessu. Þeir vita vel að ef þeir ganga ekki vel um auðlynd hafsins þá kemur það niður á þeim og þeir segja ekki eitthvað svona í ganni. 

Ég skil líka ekki þessa heift til sjómanna. Þetta er bara venjuleg starfsstétt sem fórnar miklu fyrir starfið sitt. Þessir menn eru mikið burtu frá fjölskyldum sínum og launin eru mjög misjöfn. Eitt árið eru góðar tekjur og það næsta eru lélegar tekjur. Mjög óöruggt starfsumhverfi.

Annað sem ég skil ekki er þessi heift út í bæjarfélögin þar sem sjávarútvegurinn skiptir mestu máli. Hvað eru þau búin að gera af sér??? Ég þekki vel til Vestmannaeyja og þar hefur fólk staðið saman. Vel hefur verið staðið að útgerðarfyrirtækjunum og það er bara þannig að allar fjölskyldur finna fyrir því hvort veiðist vel eða illa. Í eyjum hefur það verið þannig að ef einhver útgerð hættir eða ætlar að selja kvóta þá er hann seldur innanbæjar þó verra verð fáist fyrir hann. Þess vegna er kvótastaðan góð í eyjum en ekki á Vestfjörðunum þar sem kvótinn hefur verið seldur í burtu út af gróða.

Á að hegna öllum fyrir að hafa gert hlutina vel, hvað með allt fólkið sem vinnur við fiskinn???Sem flestir Reykvíkingar vilja ekki koma nálægt og það fyndna er að það er verið að flytja allt burt sem tengist sjávarútveg burt frá höfninni. Það hefur nefninlega verið þannig í Reykjavík að öll atvinna sem ekki tengdist bönkunum hefur verið flutt burt. Það var ekki nógu góð vinna eða lyktin of vond.

Þetta eru hlutir sem ég skil ekki í umræðunni og finnst ansi illa fyrir okkur komið ef við getum ekki virt hvort annað þó við séum ólík eða lifum af á ólíkri atvinnu.