Enn klúðrar íhaldið.

Nú er stefnan bara uppá við fyrir íslenska þjóð. Framsóknarflokkurinn heyrir sögunni til og Sjálfstæðisflokkurinn orðinn litli flokkurinn með langa nafnið.

Fráfarandi formaður Sjálfstæðisflokksins knékraup fyrir framan halelújakórinn úr Valhöll og bað hann afsökunar. Á hverju hann var að biðjast afsökunar er nokkuð óljóst. Þó er nokkuð ljóst að eitthvað hefur vakið athygli hans á að ekki væri allt með felldu.

Getur verið að góðærinu í Valhöll sé lokið? Maður spyr sig.

VG upp fyrir Sjálfstæðisflokk

Litli flokkurinn með langa nafnið.

Hvaða hremmingar er maðurinn að tala um 2007. Hann hefur ekki haft undan að dásama góðærið síðan um aldamót. Óskiljanlegt óráðsþrugl. Ekki að undra þótt þetta sé orðinn litli flokkurinn með langa nafnið.

Íhugaði vel samstarf við VG

Sóðaskapur í sinni svæsnustu mynd.

Ég rakst á smáklausu á baksíðu Morgunblaðsins á laugardaginn sl. Þar kemur fram að stéttarfélög styðji stjórnmálaflokka með fjárframlögum.

Manni verður orða vant.

Getur virkilega verið að stéttarfélagsgjöld séu notuð í þeim tilgangi að styðja pólitíska flokka. Hvaða aðili stéttarfélags hefur gefið heimild til slíks?

Ég verð að viðurkenna að mér er illa brugðið.

Fargjaldagreiðslur.

Í mars í fyrra héldu formenn stjórnarflokkanna líka í sérstaka ferð til Danmerkur og Bandaríkjanna til að verja íslensku bankanna og sannfæra efasemdamenn um styrk þeirra. Jóhanna segir að Ingibjörg Sólrún Gísladóttir og Geir H. Haarde verði sjálf að svara fyrir ábyrgðina á þeirri ferð, þau hafi tekið ákvörðun um að gera þetta með þessum hætti.

 Maður hlýtur að álykta sem svo að þarna sé um mútur að ræða frá íslensku fjármálastofnunum. Það er orðið mjög margt sem bendir til þess að íslenskir banka og fjármálamenn hafi verið orðnir svo spilasjúkir að þeir hafi blindir, lagt allt að veði til að geta haldið áfram að renna seðlunum í rifuna á spilakassanum.

Hvernig dettur fávísum íslenskum pólitíkusum í hug að ætla að reyna að sannfæra fjármaálaheiminn um eitthvað sem hann hefur ályktað sem hættuástand eða jafnvel eitthvað enn alvarlegra. Þar er varla neitt annað á ferðinni en svæsnustu mútur.

Sögðu eitt - gerðu allt annað

Haldið í:

Ef eitthvað er að marka þessa könnun, er magnað hvað margir eru enn í afneitun og styðja spilafíkla íhaldsins.

Er þetta meðaumkvun, blinda eða eru þetta starfandi stuðningsfulltrúar á launum?

Maður spyr sig. Ég hef ekki orðið var við svona marga sýkta undanfarið.

Ný könnun: Stjórnarflokkarnir fengju meirihluta

N'u er krataplott í gangi.

Það verður vandamál fyrir Jóhönnu að taka ómagann að sér. Það má með sanni segja að konan sé einhleip og fyrir fólk í þeirri stöðu er erfitt að fóstra jafn baldinn snáða og Samfylkingin er. Í sjónmáli er enginn nothæfur varafomaður og Jóhanna stendur frammi fyrir þeirri staðreynd að vilja hreinlega ekki krógann. Hvað gera bændur þá? Jóhanna þarf að hafa bakhjarl til að taka við flokknum eftir skammann tíma en hann er illa í sjónmáli. Búið var að loka prófkjöri í Reykjavík þegar þessi staða kom upp svo Dagur B. er ekki í nægilega góðri stöðu að taka við á kjörtímabilinu þar sem hann kemur ekki til með að sitja á þingi sem er jú heppilegra. Allavega er reynsla Framsóknarmanna sú að betra sé að hafa formennina inni á þingi.

Biðin eftir Jóhönnu á enda

Nei segi ég.

Álver í Helguvík! Er hér verið að tala um framkvæmd sem verður, eins og allt bendir til, minnisverði um stórhug en enga framsýni. Höfum við Íslendingar virkilega ekkert lært? á að fara með fyrirtæki í þjóðareign í nauðasamninga um verð á raforku enn og aftur? Hvernig stendur á því að þessi litli útblásni vindbelgur, "Iðnaðarráðherra þjóðarinnar", kemst upp með þvílík afglöp?

Við Íslendingar stöndum frammi fyrir því að yfir okkur var dempt 15% hækkun á flutningi raforku. Ég þori ekki að fullyrða að þessi ósköp hafi dunið yfir alla en þau dundu yfir mig og ég er landsbyggðarmaður og hef fengið nóg, nóg, nóg af að borga fyrir spilavítisvist Reykvíkinga og nágranna. Til að hífa þessar manndruslur upp úr svaðinu á að hnoða einu álverinu enn og það á Suð-vesturhornið. Hvaða andskotans heimskupör eru þetta eiginlega? Er ekki orðin nein vitglóra í hausnum á þessu fólki sem vélar um þjóðmálin yfir höfuð?

Við hljótum að geta fundið eitthvað skynsamlegra til framdráttar Suðurnesjamönnum en álver sem gerir ekkert annað en leggja þungaskatt á, ekki bara afganginn af þjóðinni heldur Suðurnesjamenn líka.

Hafna stjórnarfrumvarpinu

Hið ómögulega.

Nei þetta getur ekki verið hægt. Setja heila þjóð á hausinn en vera samt 701. ríkasti maður heims, eða þarf maður að lesa meira en fyrirsögnina? Hvað eru íbúar heims margir? Er nr. 701 í röð ríkustu manna verðugt hlutskipti Íslendings? Hver er verðviðmiðunin, markaðsverð, eins manns hugmynd um verðlag, verð eigna v/s landið sem eignin er í eða bara heimsmarkaðsverð? Gaman væri að fá málþingsboð frá Heimdalli um þetta atriði.

Bill Gates aftur ríkastur - Björgólfur í 701. sæti

Stöðugt málþóf.

Hverjum dettur í hug að tala um Evrópusambandið í þinginu akkúrat núna. Nær væri að tala um fyrri heimsstyrjöldin. 

Í afstöðu gagnvart Evrópusambandinu erum við Pétur Blöndal hjartanlega sammála. Þetta er í fyrsta skipti sem ég heyri Pétur flytja óaðfinnanlega ræðu í þinginu.

Batnandi mönnum er best að lifa.

Hvort skyldi það eiga við hann eða mig?

Ný ríkisstjórn um ESB

Hennar er völin.

Jú Jóhanna á marga kosti í stöðunni en Samfylkingin á engan betri kost en að dubba hana upp í formanninn. Þetta er sannkölluð krísa. Meira að segja Sjálfstæðisflokkurinn er betur settur í hausafjölda en kannske ekki beinlínis mannvali.

Beðið eftir Jóhönnu