Kolbrún inni að sjálfsögðu.

Auðvitað er Kolbrún áfram inni þó hún skipi 3. sæti í öðru hvoru Reykjavíkurkjördæmanna. Vinstri hreyfingin Grænt framboð fær 3 menn kjörna í öllum kjördæmum í vor.

Fólk verður að átta sig á því hverjir velkostirnir eru. Vilja Reykvíkingar láta það spyrjast um sig og reyndar allir landsmenn, að þeir kjósi Sjálfstæðisflokkinn "af því bara" eins og flestir þeirra svara núna. Telja Reykvíkingar og þá líka aðrir landsmenn það góðan kost að kjósa Framsóknarflokkin til að pota pabbastrák sem greiðir tugi milljóna í fjármagnstekjuskatt, inn á þing en flaggar því að hann skilji svo vel aðstæður þeirra sem eru atvinnulausir og hafi orðið fyrir því að bankasterfsmenn hafi rænt þá um hábjartan dag. Hvorugur kosturinn er samkeppnishæfur við Kolbrúnu Halldórsdóttur sem er einn alduglegasti þingmaður okkar eða, hvaða sitjandi þingmaður reykvíkinga annar hefur haft fyrir því að vinna heimavinnuna sína? Það er alveg ljóst að þingmenn Samfylkingar brugðust því hlutverki sínu meðan síðasta ríkisstjórn sat. Þeir gleyptu bara allt sem bankastjórarnir báru á borð fyrir þá og fyrir það munu þeir gjalda í kosningunum. Allir þessir þrír flokkar munu líka gjalda fyrir yfirhylmingu, og blekkingar gagnvart almenningi í kosningunum. Það vita allir landsmenn hvernig komið er fyrir mörgum þingmönnum þessara flokka. Sumir þeirra eru nú þegar búnir að hrökklast frá af sjálfsdáðun, aðrir eiga eftir að gera það í prófkjörum eins og t.d. Einar Már í NA-kjördæmi.

Það er ljóst að tími Kolbrúnar Halldórsdóttur er alls ekki liðinn.

Keik og stolt í sjötta sætinu

Heppileg tenging.

Ástæðan fyrir því að ég tengi mig við þessa aumu upphrópun er ekki sú að ég ætli á nokkurn hátt að fjalla um hana. Heldur er ástæðan sú að mér sýnist nauðsynlegt að gerast taglhnýtingur ef á að fá athygli. Ekki taglhnýtingur stuttbuxnastráka með allt á hælunum, heldur bara semsagt þetta sem boðið er uppá "blogga um frétt".

Samt vil ég byrja á því að segja að hvort sem 1 eða 1,5 milljarður er notaður í stjórnlagaþing mega Íslendingar ekki gleyma að þessi náungi sem myndin er af, lofsöng það mánuðum og árum saman að eyða samsvarandi upphæð í brölt um að komast í ÖRYGGISRÁÐIÐ hið eina sanna án þess að geta á nokkurn hátt gert grein fyrir kostnaði. Dæmigerður málflutningur vitstola manns sem er að hverfa af sjónarsviðinu.

Nei nei ástæðan fyrir því að ég kúplaði inn og fór á hæga ferð áfram var sú að ég var að fletta Mogga föstudagsins. Á fyrstu innsíðu er frétt um skoðanakönnun þar sem kemur fram að Sjálfstæðisflokkurinn sé stærstur. Einhverntíman hefði þessi frétt prýtt forsíðu þessa blaðs en sökum þess hve munurinn er lítill er kosið að fela vandamálið. Það er nefnilega vandamálið sem hefur verið svo erfitt að leysa undanfarin ár. Það er vandamálið með Sjálfstæðisflokkinn. Engum dylst hvernig stjórntökin hafa verið í brælunni síðustu ár. Ég verð að skreyta mál mitt með ofurlitlu sjómannamáli. Ekki það að ég sé sjómaður heldur frekar vegna þess hve málskrúð lýsenda vandans hafa verið fáfengileg. "Brim og boðar".

Svo virðist sem álitsgjafar séu sammála um að hækka þurfi skatta. Það má hækka skatta á ýmsan hátt en sé verið að tala um beina hækkun tekjuskatts, verður það alltaf mismunun nema skattareglum verði breytt mikið.

Á bls. 14 kemur svo það bitastæðasta í pínulítilli smáklausu. Það er um niðurfellingu eftirlaunalaga æðstu embættismanna ríkisins. Þetta ætti auðvitað að vera feitletruð forsíðufrétt. Ég vona að nýir eigendur þessa blaðs breyti áherslum frétta á þann veg að góðu fréttirnar prýði forsíður jafnt sem slæmu fréttirnar.

Á bls. 23 er grein sem Sigurður Kári Kristjánsson ein helsta vonarstjarna frjálshyggjunnar ritar. Ég nenni ekki einu sinni að lesa hana.

Það skondnasta er á baksíðunni. ÞAr er mynd af sjálfum Bruce Willis tekin í slippnum í Reykjavík. ÞAr segir, "hlýða kalli Kristjáns". Sem sagt til í slaginn Bruce.

Stjórnlagaþing fyrir 1,5 milljarða?

Greiningadeildin.

Er nú greiningadeild Samfylkingarinnar komin á stúfana einu sinni enn. Ekki ætlar hann Gylfi að láta undan síga. Ég vil eindregið ráðleggja þessum manni að bjóða sig fram til formanns Samfylkingarinnar og í framhaldinu á þing og í framhaldinu til Evrópu með viðræðunefnd næstu 5 árin. Fá svo glöggan endurskoðanda til að sýna honum svart á hvítu hvað viðræðurnar kosta þjóðina og hvað hægt væri að gera fyrir þá upphæð í þágu verkalýðsins sem hann á að vera í forsvari fyrir og verja með kjafti og klóm en ekki koma þeim á atvinnuleysisbætur hjá einhverjum nýlenduherrum niðri í Evrópu.

ASÍ: Ný ríkisstjórn fái umboð til ESB viðræðna

Lánastofnanir koma víða við.

Það væri fróðlegt að fá upplýst hvað Icelandair Group, fjárvana fyrirtæki greiðir stjórnarmönnum fyrir að sitja þar og hvað hafi verið greitt fyrir stjórnarsetur hjá þessu félagi til þessa.

Lánastofnanir ráða Icelandair

Gott svo langt sem það nær.

Iðrandi syndarar þyrpast í ræðustól alþingis. Krókódílatárin leka vægðarlaust niður á eðalviðinn. Þingritari hleypur linnulaust með snýtuklúta, oblátur og messuvín og þingforseti hefur ekki undan að taka við syndaaflausnum. Svo kemur einn vaðall sem ekkert hefur af sér gert nema það sama og hinir. Og takið eftir. Hann tekur ofan fyrir þeim sem víkja en sjálfur, nei ekki aldeilis. Sigurður Kári hefur ekki gert neitt rangt enda löglærður maður og veit öll sín takmörk enda ekki setið á þingi nema 1/3 þess tíma sem tók Íhaldið að koma þjóðinni hálfa leið til helvítis. En Sigurður Kári, nei hann hefur ekkert af sér gert. En ráðherrar Samfylkingar. Þeir eru sko sökudólgarnir enda höfðu þeir öll völd í síðustu ríkisstjórn. Þeir Réðu Seðlabankastjóana, Fjármálaeftirlitið, bankastjórana, bjuggu til útrásarliðið og hlóðu á það fé en ekki ætla þeir að víkja. Mikið skelfilega er þetta mannkerti hundleiðinlegt í ræðustól.  Þetta er sá sjálfumglaðasti eða eftir atvikum sá heimskasti sem fer upp í ræðustól alþingis og er gasprandi um öll heimsins mál nema það eitt að hann beri hina minnstu ábyrgð á stjórnsýslu Sjálfstæðisflokksins síðustu 6 ár sem er sú allra ömurlegasta sem þetta land hefur alið.

Ég legg til að Sjálfstæðisflokkurinn dragi sig í hlé og bjóði ekki fram í næstu kosningum. Það er eina afsökunin sem þjóðin getur tekið gilda.

Sekt og sakleysi á þingi

Undrin og stórmerkin.

Jæja er nú prestastéttin komin í það verkefni að endurreisa lýðræðishallann á Bjarna Harðar. Það dugir ekkert minna. Hvar hefur lýðræðinu verið hættara en í höndunum á misheppnuðum Framsóknarmönnum.

Vilja beint samband milli kjósenda og frambjóðenda

Forgangsröðun eða annarskonar röðun.

Það hlýtur að koma til álita að draga saman í utanríkisþjónustunni til að hafa burði til að gæta sinna eigin þegna á og umhverfis landið. Nú er lag að loka eins og tíu sendiráðum sem hvort sem er eru óþörf.

Furða sig á framkvæmdum við tónlistarhús

Seint í rassinn gripið.

Skelfilega getur fólk lagst lágt. Þvílík hörmung að verða vitni að öðru eins. Sérkennilegt að þessir snillingar skuli allt í einu kortéri fyrir kosningar þykjast átta sig á því að þau eru bara venjulegir sauðir með allt niðrum sig hvert og eitt þeirra. Maður heldur í vonina að þessi stóri skellur sem Sjálfstæðisflokkurinn veitti þjóðinni með Davíð Oddsson í aðalhlutverki allan tíman verði ekki alveg grafinn og gleymdur þann 25. apríl næstkomandi. Hlutskipti Sjálfstæðisflokksins ætti að vera útlegð. Auðvitað á Sjálfstæðisflokkurinn að draga sig í hlé frá stjórnmálum. Hann á að hverfa í nokkur ár meðan núverandi alþingismenn hans og lykilstjórnendur eldast og grána og hverfa úr starfi.

Baðst afsökunar á mistökum

Alheimur í startblokkunum.

Mikið hefði nú verið gaman ef allur þessi mikli fjöldi fólks hefði líka verið svona fljótur að láta í sér heyra þegar Ísraelar voru að fjöldamyrða borgarana á Gaza um daginn. Mikil helvítis helgislepja er nú þetta annars. Segi ekki að einn eða tveir séu búnir að senda tölvupóst en örugglega ekki einn einasti túristi sem búinn er að bóka ferð hingað.

Lýsir yfir miklum vonbrigðum

Annar undirstöðuatvinnuvegur þjóðarinnar:

Ánægjulegt að sjá hve margir hafa skoðun á meðferð aflaheimildanna. Væri ekki ráð að kanna hugi fólks til kvótakerfis almennt, í landbúnaði, mengun og öllum hugsanlegum hlutum sem hægt er að kvótasetja.

Hún leynist víða matarholan.

61% vilja innkalla kvótann