Það sem koma skal.

Þetta mun virka mjög hvetjandi fyrir fólk að mæta á kjörstað og raða sjálft upp sínum óskalista.

Persónukjör í kosningunum?

Viðskiptafræðingar og aðrir með Háskólamenntun.

Hvernig stendur á því að háskólagengið fólk hefur svona mismunandi skoðanir og fær svona mismunandi niðurstöður varðandi bankahrunið. Í kastljósi RUV í kvöld var hvorki meira né minna en prófessor í viðtali. Hans niðurstaða er reyndar mjög ótrúverðug. Lán sem búið er að taka liggur inni í seðlabanka Bandaríkjanna og safnar þar vöxtum. (Ekki vaxtaskuldum takið eftir.) Hefur einhver tekið lán og haft af því vaxtatekjur. Þarfnast betri skýringa. Það sem mér finnst ótrúverðast er að þegar þessir langskólagengnu spékúlantar birt einhverjar niðurstöður í formi talna, er allt rúnnað af í milljörðum króna. Andskoti finnst mér ótrúlegt að allar skuldir, hvar sem þeirra hefur verið aflað, skuli enda með, ekki minna en 9 núllum. Af hverju í ósköpunum? Niðurstöður sem þessar virka mjög villandi og ótrúverðugar. Örugglega er einhver nálgun í öllum þessum núllum en við sem handfjötlum einungis þúsundir en ekki einu sinni milljónir, skiljum hreinlega ekki þessi núllaflóð.

Erlendar skuldir þjóðinni ofviða

Kröfur úr öllum áttum.

Hvernig ætli standi á því að ekki finnst nægilegt magn af loðnu svo Hafró geti gefið skotleyfið?

Getur verið að viðvarandi ofveiði síðan á áttunda áratugnum sé ástæðan?

Hvað er að gerast í Barentshafi?

Er göngumynstur loðnunnar orðið gjörbreytt?

Ég held að "hagsmunaaðilar" sem eru ekki eingöngu yfirmenn á uppsjávarveiðiskipaflota Vestmannaeyinga verði bara að þreyja þorrann ásamt öllum öðrum landsmönnum.

Ef til vill þurfa menn að líta sér nær þegar gefnar eru út yfirlýsingar í milljónatugum. Hvernig er til dæmis með fullvinnslu bolfiskafla?

Mér svona datt þetta í hug.

Vilja hefja loðnuveiðar strax

Vísir, 12. feb. 2009 11:25

Landsbankasvindlið á Spáni teygir sig til Cote d´Azur

Landsbankasvindlið á Spáni teygir nú anga sína yfir Cote d´Azur leikvöll þeirra frægu og ríku í suðurhluta Frakklands. Fjallar er um málið á vefsíðunni euroweekly.com.

Eins og fram kom hjá Fréttastofunni fyrir áramótin er töluverður fjöldi breskra ellilífeyrisþega á Spáni, einkum Costa Blanca og Marbella í málaferlum gegn Landsbankanum í Luxemburg þar sem þeir telja að bankinn hafi staðið að fjársvikum með því að bjóða þeim upp á sérstakt fjárfestingarverkefni sem bankinn sagði 100% öruggt og án áhættu. Afleiðingarnar eru að Bretarnir eru margir að missa húseignir sínar á Spáni.

Verkefnið gekk út á það að fólkið veðsetti eignir sínar á Spáni og fékk 1/4 af láninu í peningum til sín en 3/4 fór í fjárfestingarasjóð á vegum Landsbankans og átti ávöxtun sjóðsins að standa undir afborgunum og vöxtum af viðkomandi láni.

De la Cruz lögmaður Bretanna á Costa Blanca segir að eftir að hafa lesið yfir þá samninga sem bresku ellilífeyrisþegarnir gerðu við Landsbankann í Luxemburg kemur í ljós að fólk hefur greinilega verið svikið og blekkt illilega.

Sem dæmi nefnir hann að í samningnum komi fram að viðkomandi þurfi ekki að greiða erfðaskatt en slíkar alhæfingar fást ekki staðist skv. spænskum skattalögum. Einnig nefnir hann að Landsbankinn hafi ekki haft starfsleyfi á Spáni og að þetta fjárfestingarverkefni bankans brjóti gegn spænskum lögum og reglum.

Samkvæmt frásögn euroweekly.com hafa kröfuhafar í þrotabú Landsbankans í Luxemborg nú fengið leyfi til að taka yfir fasteignatryggingarnar á Spáni. Þar með sitja yfir hundrað breskir ellilífeyrisþegar í súpunni með skuldir upp á samtals 40 milljónir evra eða tæpleg 6 milljarða kr..

Jafnframt greinir vefsíðan frá því að svipað mál sé nú í uppsiglingu á Cote d´Azur þar sem bankinn bauð upp á svipaða samninga og á Spáni.

Er ekki orðið tímabært að loka þessa andskota inni í ótiltekinn tíma.

Það er ekki verjandi að þessir menn gangi lausir.

Ólafur í heimspressunni enn og aftur.

Er Ólafur að hafna einhverju? Er hann ekki bara að segja umheiminum sannleikann. Við erum brók og þar af leiðandi ekki borgunarmenn. Til hvers allt þetta fjas?

Orðum forsetans slegið upp

Söguskýring Guðmundar Andra.

Ég sé að Guðmundur Andri er með pistil í Fréttablaðinu í gær. Þar fjallar hann aðeins um einu von íslenskra auðmanna um sáluhjálp. Það er nú svo sem ágætt að reyna að leiðbeina þessum villuráfandi skítblönku ölmusumönnum en einhvernveginn finnst mér nú GAT snú dæminu á haus.

Í stað þess að lesa sér til í fornsögunum, fara á námskeið hjá Vilhjálmi Bjarnasyni, læra klæki Íslands-Bersa og skila svo "auðnum", mundi ég eindregið mælast til að þeir byrjuðu á að skila ef einhverju er að skila, færu svo á öll þau námskeið sem í boði eru. Síðan mættu þeir spreyta sig, bara ekki hér á landi nema þá með handverkfærum.

Áfram með smjörið Sigurðu Kári.

Alveg er þetta einstakt framtak hjá blessuðum guðsgeldingnum. Meðan Sjálfstæðisflokkurinn á svona málafylgjumenn á þingi þurfa þeir ekki andstæðinga. Haltu bara áfram Sigurður Kári ef þetta er málflutningurinn sem koma skal í kosningabaráttunni þurfum við hin engu að kvíða með ykkur. Takk fyrir kærlega og meira af þessu.

Þýðir ekki að klína sök á Sjálfstæðisflokkinn

Sjálfstæður Seðlabanki?

Þetta kallast víst ritstuldur en þegar menn gapa eins og uxar án þess að hugsa eða geta hreinlega ekki hugsað sjálfstætt, er nauðsynlegt að grípa í taumana.

Þessi Gísli Freyr er með sérkannilega sjálfstæðan hugsunahátt. Það er ekki l iði ár síðan Seðlabankastjóri fyrirheitnalandsins, Bandaríkjanna var rekinn. 

Samkvæmt fréttum hefur Ingimundur Friðriksson, einn þriggja Seðlabankastjóra beðist lausnar úr starfi eftir að Jóhanna Sigurðardóttir, núverandi forsætisráðherra sendi bankastjórunum ósvífið bréf þar sem hún „fór þess á leit við þá“ að þeir segðu upp störfum.

Gott og vel. Það er að mörgu leyti skiljanlegt að Ingimundur vilji ekki sitja undir pólitískum árásum og kjósi því að biðjast lausnar. Hann hefur örugglega ekki séð fyrir sér, þegar hann var skipaður seðlabankastjóri, að stjórnmálaleiðtogar myndu ráðast á hann persónulega vegna haturs þeirra í garð Davíðs Oddssonar.

Ingimundur uppfyllir reyndar nýjar kröfur Jóhönnu um seðlabankastjóra, þ.e. hann er með masterspróf í hagfræði og hefur reynslu að alþjóðlegri fjármálastarfssemi.

Í hótunarbréfi Jóhönnu kemur hvergi fram hvað seðlabankastjórarnir (nú eða Seðlabankinn sjálfur) hafa til saka unnið sem gerir þeim nauðsynlegt að víkja úr starfi.

Það hlýtur að vera einsdæmi í vestrænu frjálsu lýðræðisríki að ráðherrar eða ríkisstjórn ráðist á embættismenn seðlabanka með þeim hætti sem gert hefur verið. Með sama hætti hlýtur það að vera einsdæmi að forsætisráðherra lands sendi seðlabankastjóra/stjórum bréf þar sem þeir eru beðnir um að segja upp störfum.

Í bréfinu fræga (sem var afhent fjölmiðlum eins furðulegt og það er) kemur sem fyrr segir ekkert fram um vanhæfni bankastjóranna sem geri það að verkum að þeir geti ekki sinnt starfi sínu með viðunandi hætti. Þá er heldur ekki bent á atvik (í eintölu eða fleirtölu) sem gerir þá brotlega eða óhæfa til að sinna starfinu.

Ef forsætisráðherra vill losna við bankastjórana á hún einfaldlega að segja þeim upp störfum. Hins vegar veit hún að hún getur það ekki þar sem slík uppsögn væri ólögleg og myndi líkast til aldrei standast fyrir dómi. En ef hún telur að þeir hafi brotið af sér í starfi eða sinnt starfi sínu illa hlýtur hún að geta fært rök fyrir því fyrir dómsstólum.

En burtséð frá því öllu saman hlýtur það að vekja upp spurningar almennt um sjálfstæði og starfssemi Seðlabankans þegar ráðist er á æðstu stjórnendur hans með þessum hætti.

Hvernig myndi það líta út á alþjóðavettvangi ef ljóst væri að Seðlabankinn væri ekki sjálfstæður? Hvernig lítur það út ef stjórnmálamenn geta ráðið og rekið bankastjóra eftir pólitískum vindum hverju sinni? Myndi það auka traust á fjármálakerfið?

Og stóra spurningin; hvað var það nákvæmlega sem Seðlabankinn gerði rangt í aðdraganda hrunsins í október? Ég hef ekki heyrt neinn benda á það. Auðvitað er peningamálastefnan ekki hafi yfir gagnrýni og það sama gildir með verðbólgumarkmiðið – en þarf Alþingi þá ekki að breyta lögunum um starfssemi bankans?

Í þessu samhengi er rétt að minna á að Samfylkingin sá sig knúna til að kljúfa ríkisstjórn og mynda nýjar þar sem þeim fannst, að eigin sögn, verkstjórn Geirs H. Haarde ekki nógu góð.

Nú er nýja ríkisstjórnin næstum því viku gömul og öll vikan hefur farið í þetta mál. Ætli heimilin í landinu horfi fram á bjartari tíma þó skipt verðu um stjórn í Seðlabankanum? Nú eða þegar ríkisstjórnin eyðir öllum sínum kröftum í þetta einstaka mál?

Opinber og OPINBER!

Já kallauminginn, orðinn berstrípaður á toppnum.

Ef ég skil umræðuna rétt, er Kaupa-Pétur að rembast við að verja einn af þremur bankastjórum Seðlabanka. Honum er alveg sama um hina þá eða hvað? Hvers vegna er þetta fruss og tafs út úr ræðumönnum sjálfstæðismanna í þinginu núna. Þetta sá maður aldrei fyrir stjórnarskiptin. Nú liggur allt í einu svo mikið við að nauðsynlegt er að beita málþófi Davíð Oddssyni til varnar. Maður verður mjög hugsi yfir þessum óskapa látum þótt þurfi að víkja einum ónothæfum starfsmanni frá. Þetta er sífellt að gerast hér og þar um víða veröld.

Ég held að óhætt sé að fullyrða að aldrei á sögulegum tíma, hafi nein persóna orðið eins mikill örlagavaldur íslensku þjóðarinnar og Davíð Oddsson. En þetta var útúrdúr.

Kannske er þó Davíð ekki eins slæmur starfsmaður og sumum þingmönnum Sjálfstæðisflokksins fannst meðan plussið gældi við rasskinnarnar. Allavega vörðu og verja sumir hann eins og hann sé þeirra einkabarn og hafi aldrei gert neitt misjafnt. Hlálegt að heyra eftir stjórnarskiptin hvað margir þingmenn íhalds höfðu boðið höfuð Davís í skiptum fyrir plussið undir rassgatið.

Ef til vill var Davíð góður verkstjóri yfir tindátum sínum í Sjálfstæðisflokknum, en að sama skapi hefur hann ekki þótt jafngóður verkstjóri yfir þúsund-og fimmþúsundköllum landsmanna.

Það er auðvitað alltaf matsatriði hvað eigendum bréfpeninga finnst um afdrif síns fjár, en þó er eins og einhvernveginn sé vaxandi meðvitund með þjóðinni að betur hefði mátt fara með seðlabúntin sem voru orðin til, öllum að óvörum "nema sjálfskipuðum fjármálasnillingum" sem fengu ómæld seðlabúnt á mörgum færiböndum, mánuðum saman út úr gömlu ríkisbönkunum og svo þegar þeir voru þurrausnir, út úr Seðlabanka Íslands.

Athugið það að þeir eru enn að senda skjalaskot þvers og kruss um víða veröld í leit að tryggum felustöðum fyrir óheilbrigð undanskot.

Hver var gjaldkeri bankanna þessa daga sem útfallið varaði? Það er augljóst að það var sá sem stjórnaði bögglauppboðinu á gömlu ríkisbönkunum og útbjó síðan lagarörið sem gerði skyttum framsóknar og íhalds kleift að þeyta skjalavöndlum hist og her um heiminn, þveran og endilangan. Öllum að óvörum situr hann enn jafnvel þó stór hluti tindáta íhalds í þinginu vilji og hafi lengi lýst því yfir að þau vilji hann burt. Vandinn er sá að Hrókurinn hefur eitthvað illyrmislegt tak á sumum þessara titta sem verja hann með kjafti og klóm. Sú vörn er orðin þjóðinni svo fokdýr að ekki verður við unað.

Hver samdi og samþykkti þau lög sem þarna áttu að gilda?
Það er svo morgunljóst sem sólin kemur upp að morgni, að Kaupa-Pétur var fyrstur manna til að samþykkja alla heilu vitleysuna. Lækkun bindiskyldu, sjónhverfingar með gjaldeyrisvarasjóð og auðvitað var Kaupa-Pétur einn aðal hvatamaður að því að samþykkja þessi hryðjuverkalög yfir almenning í þessu landi. Undan því getur hann aldrei vikist.

Ég vil aðeins gera grein fyrir nafnbótinni Kaupa-Pétur.

Kaupþing var fyrirtæki sem höndlaði með allskyns pappíra hér fyrir margt löngu. Mér eru minnisstæðir tveir sjóðir með sama nafni, aðgreindir með númerum 1 og 2. Ef ég man rétt, var þetta kallaður verðbréfasjóður Kaupþings. (Ég vona a ég muni nöfnin rétt.) Áramótaglaðningar viðskiptavina Kaupþings Péturs voru alla jafnan þau sömu. "Því miður var neikvæð ávöxtun á ?????? sjóði árið ???? Inneign þín er ?????? eftir atvikum eftir því hvað hver og einn lagði í hítina. Svo langt man ég að miðað við 10.000 kr. greiðslu á mán. í 12 mán.=120.000 á ári, var inneign viðkomandi heilar 100.500.- kr og jafnvel þaðan af minna. Pétur hafði samt himinháar tekjur sjálfur, svo háar að hann treystir sér til að lifa af 25.000.- kr. launum á mánuði.

 Og svo er Kaupa-Pétur froðufellandi í ræðustól Alþingis, röflandi, já ég segi röflandi yfir því að halelújakór Valhallar skuli ekki vera stærri og háværari en raun ber vitni, verjandi málstaðinn, verjandi Kaptein Krók.

Það skondnasta við allt þetta er síðan fyrirsögn fréttarinnar. Ég segi bara Hahaha hvernig getur Pétur Blöndal lagst svona lágt.

Kaupa-Pétur: Tími Davíðs, tími nýfrjálshyggju, tími einkavinaplotts, tími höfðingjapólitíkur á Íslandi er liðinn. Að sinni í það minnsta og vonandi um ókomna tíð.

Pétur Blöndal ákallar Ögmund

Hvað lengi gengur það?

Hvenær ætli menn vakni og reyni að reka sín fyrirtæki á eigin verðleikum en ekki á lánsfé fengnu á misgáfulegum forsendum.

Það hlýtur að vera prinsip atriði að reka sitt fyrirtæki af eigin hagnaði en ekki af lánsfé með von um gengishagnað.

Baugur á leið í greiðslustöðvun?