Furðu, en ekki frétt.

Mig hlýtur að vera að dreyma.

Í Fréttablaðinu þann 27. nóv. 2008 er birt frétt um. "Fjárhagslegt forskot sitjandi þingflokka." Á sama tíma og þingið leggur blessun sína yfir áframhaldandi rán þingmanna úr ríkissjóði, birtir pressan þessa upprifjun.

Ég kann ekki og nenni ekki að tengja við frétt úr dagblöðunum svo ég bendi lesendum bara á að á blaðsíðu 8, fimmtudaginn 27. nóv. sl. birtist frétt í Fréttablaðinu um þetta.

Ekki er nóg með að þessi andskotans óþjóðalýður vaði í fjárhirslur almennings, sbr. eftirlaunalögin (sjálftaka launa), heldur hafa þau samþykkt að veita sjálfum sér og sínu endalausa bulli, fjárveitingu úr sameiginlegum sjóði okkar.

Til hvers? Er það ekki augljóst? Nei nú er nóg komið. Sem dæmi, ef þér verður það á að greiða atkvæði í alþingiskosningum, verðurðu skattlagður eftirá. Hverskonar andskotans bull er þetta orðið.

Ef einhver hefur áhuga á að láta ljós sitt skína, pólitískt, skal hann bera kostnað af því einn og sjálfur. Ég er tilbúinn að styðja pólitískt framboð beint ef það hugnast mér en ekki láta draga af mér í skatt til ríkissjóðs vegna þess að atvinnupólitíkusar sem ekki kunna að koma fyrir sig orði, ekki kunna mannasiði, ekki kunna að gera greinarmun á drengskap og fláræði, kunna yfirleitt ekki að gera greinarmun á réttu og röngu hvað þá heldur að kunna almenna mannasiði eru gera kröfu á ríkissjóð. Skattheimta til handa framboðum, verður aldrei liðin frekar en sjálftaka launa úr ríkissjóði.

Ég segi; Afmáum svona spillingastimpla af okkur. Afnemum heimildir alþingis til reglu og lagasetninga sjálfum sér til hagsbóta.

Hvernig er annars með útsendingar RÚV frá Alþingi? Er ekki örugglega of kostnaðarsamt að sýna okkur, þessum almúga grenjandi ásjónur þessa fáráðlinga sem augljóslega bera stafi beiningarmanna.

Fær leið.

Allt annað en Evrópusambandið er skoðunar vert. Samstarf við Noreg og jafnvel Rússland er okkar besti kostur. Þar eru að mörgu leyti sömu hagsmunir. Þetta eru þær þjóðir í Norður Evrópu sem eiga einhverjar afgerandi auðlindir og þær af sama toga. Samstarf þessara þjóða yrði bara til góðs.

Vilja tengja íslensku krónuna við þá norsku

RUV

Er þetta ekki grínfrétt með Pál Magnússon og lögfræðingastéttina? Ég trúi ekki fyrr en ég tek á að Páll Magnússon, yfirlýstur boðberi sannleikans, "að eigin sögn" hafi tekið það upp hjá sjálfum sér að kalla til lögfræðing og siga honum á fyrrum fréttamann RUV. Gerir maðurinn sér ekki grein fyrir að nú hafa lögfræðingar öðrum hnöppum að hneppa en að eltast við geðofsaköst fúllyndra sjálfstæðismanna sem hafa það að lífsmottói að svara bara spurningum útvalinna spyrla, þá bara þegar þeim hentar.

Er þetta það sem kallað er frjáls fjölmiðlun?

Vilja að RÚV biðji þjóðina afsökunar

Gnúpur, fjárfestingafélag.

Hver ætli eigi Gnúp, fjárfestingafélag? Er það nokkuð Þórólfur Gíslason og fleiri framsóknarfjárfestar?

Kaupþing réð ferðinni í Gift

Það mikilvægasta í stjórnmálunum í dag.

Það allra mikilvægasta í stjórnmálunum í dag, er að slökkva ljósin í alþingishúsinu, senda þingmenn heim um fengitímann og kjósa svo á þrettándanum.

Það næst mikilvægasta er, að koma í veg fyrir heilaþvott af hálfu formanns Samfylkingarinnar um þörfina á að yfirtaka Evrópusambandið.

Ég hef áður rakið þá hrikalegu ógn sem okkur stendur af Evrópusambandinu og get alveg gert það hér aftur.

Evrópusambandið samanstendur af 27 ríkjum. Hvert ríki hefur sína ríkisstjórn og bak við hverja ríkisstjórn eru 6-10 stjórnmálaöfl í það minnsta. Það þýðir að þar eru 170-270 stjórnmálaöfl, hvert með sínar áherslur, sumir jafnvel með harðari og ósvífnari áherslur en stuttbuxnaliðið hjá íhaldinu okkar sem byggir á hugtakinu samkeppni fyrir alla aðra en mig. Í þessum ríkjum búa milli 500 og 550 milljónir. Athugið líka annað. Þau ríki sem eru innan Evrópusambandsins mundu gleypa við okkur vegna þess eins að við erum ein auðugasta þjóð heimsins og auðlegð okkar vex ár frá ári. Við eigum eitt hreinasta land heimsins, eigum eitt örfárra landa í heiminum, gnótt af hreinu vatni, aðgang að ómenguðum sjó og miklar orkuauðlindir í ýmsu formi. Þar er reyndar stór óplægður akur. Ríki Evrópusambandsins skortir aðlindaruppsprettur. Þess vegna yrðum við hreinlega gleyptir í einum munnbita og til okkar spyrðist ekkert meir. Jafnvel þótt Evrópusambandið spryngi í frumeindir sínar eins og margt bendir til, kæmum við í tætlum út úr þeim hörmungum.

Samfylkingin reynir að fela aumingjaskap sinn eða vanmátt eftir atvikum bak við upphrópunina um Evrópusambandsaðild. Það minnir mann helst á trúboða og ekki nóg með það, heldur minnir staða Samfylkingarinnar mann á þá gömlu stöðu "stellingu" sem kennd er við "trúboða". Hún er semsé búin að láta íhaldið misnota sig svo illilega að úr blæðir og því sári verður ekki auðveldlega lokað. Það semsagt lekur fylgið af Samfylkingunni eins og bæjarlækur falli í vorleysingum. Nú baular formaðurinn um að eftirlit hafi skort með fjármálaheiminum en hver átti að hafa þetta eftirlit. Já vel á minnst er ekki Samfylkingin í ríkisstjórn eða allavega hluti af henni.

Við Íslendingar eigum núna að vinda okkur í að kanna þann möguleika að mynda efnahagsbandalag með Noregi og Rússlandi. Þetta eru ríki sem eiga sömu hagsmuna að gæta á norðurhjara þannig að margt eiga þessar þjóðir sameiginlegt. Auðvelt ætti að vera að taka upp sameiginlegan gjaldmiðil með þessum löndum, allavega Noregi.

Góðir Íslendingar, gleymum Evrópusambandinu. Þar verðum við bara étin og melt eins auðveldlega og ungabarn barnamat.

Tími athafna.

Afskaplega er orðið þreytandi að hlusta á fréttaskýringar í þessu bankahrunsmáli. Ekki lagast það , þegar litlu stuttbuxnastrákarnir eru byrjaðir að ljá máls á að skipta megi út svo sem eins og einum og einum ráðherra í þessari lánnlausu ríkisstjórn. þegar þjóðin stendur frammi fyrir mestu hrakförum pólitískrar stefnu sem rekin hefur verið á sögulegum tíma er kominn tími til að skipta öllum hópnum út, bæði íhaldi og krötum. Hættum þessu Evrópubandalagsvæli og stöndum á eigin fótum eins og okkur hefur svo oft tekist vel. Við hljótum að krefjast kosninga eins fljótt og nokkur kostur er. Þessu tvísaga rugli verður að linna, strax á þessu ári.

Samfylkingin undir kvið.

Í fréttatíma sjónvarpsins var rætt við helsta fjármáladraumaprins Samfylkingarinnar Jón Sigurðsson fyrrum ráðherra þeirra krata. Þessi náungi sem Samfylkingin hefur helst litið til sem þeirra leiðtoga í fjármálum. Samkvæmt því sem hann reyndi að koma til skila, var ítrekað reynt að segja hitakæru örverunum í ríkisstjórninni að bankakerfið væri á hraðferð til andskotans en greinilega án árangurs.

Hvað segir þetta okkur landsmönnum? Jú við hljótum að draga þá ályktun að ráðherrar Samfylkingar hafi bara ekki hlustað á sína eigin rödd, rödd sem maður verður að álykta að viti hvað hún segir. Séu orð Davíðs Oddssonar og Jóns Sigurðssonar sannleikurinn, er alveg sama hvort litið er til ráðherra Samfylkingar eða Sjálfstæðisflokks, hvorir tveggja sömu sök seldir, sitja fundi með eigendum bankanna sem sögðu viðkomandi ráðherrum bara það sem þeir vildu heyra, þ.e. að allt væri í himnalagi og engu að kvíða nema kannske því að þá vantaði nokkra fleiri milljarða í lán svo allt yrði nú örugglega í stakasta lagi.

Maður heyrir sífellt háværari raddir frá krötunum að Davíð eigi að víkja. Gerir þetta fólk sér ekki grein fyrir að hann situr í embætti í skjóli þeirra sjálfra. Össur og Ingibjörg klifa reyndar sífellt á þessu en hitakæru örverurnar treysta sér ekki undan kjötkötlunum svona í vetrarbyrjun. Þetta lýsir best þeirra eigin argasta aumingjaskap og ræfildómi.

Fáránleikinn einstakur

Ekki einu sinni leikskólabarn kæmist upp með að afsaka gerðir sínar á þennan hátt. Geir leyfir sér að segja að hann hafi staðið að því á sínum tíma árið 1998 að færa fjármálaeftirlitið úr seðlabankanum og gera það að sjálfstæðri stofnun. Fáránleikinn og heimskan er síðan sú að í næstu setningu segir hann blákalt að hann hafi ekki minnstu hugmynd um hvert hlutverk fjármálaeftirlitsins sé né hvað það eigi að hafa eftirlit með.

Góðir Íslendingar. Er þetta lengur hægt? Má ég nú fá einhvern sem er allavega kominn með þroska 7 ára barns í stól forsætis og fjármálaráðherranna. Mér er bara alveg gersamlega öllum lokið.

Hvað ætlið þið kratadindlar eiginlega að láta þetta viðgangast lengi. Er ylurinn undan kjötkötlunum virkilega þess virði að hægt sé að halda hlífiskildi lengur yfir þessum bévítans blábjánum. Það mun vekja mér mikla furðu ef Samfylking fær fleiri atkvæði en Framsókn í næstu skoðanakönnun Gallup.

Ábyrgðin liggur hjá bönkunum

Ja hvað næst?

Þeir hafa víða leitað fanga þessir blessaðir útrásarvíkingar. Það er ekkert undarlegt þó eftirlitið með þeim hafi verið gloppótt, slík hafa umsvifin verið. Svolítið sérkennilegt að enginn skuli mæra þessa menn lengur, hvorki forsetinn né forsætisráðherrann. Ætli þeir séu kannske hættir að taka puttalinga uppí.

Vaxandi reiði í garð Íslendinga

Getur einhver?

Getur einhver upplýst mig um

"níutíufermetrasumarbústaðaÞingvallamanninn" sem býr á Selfossi.

Hver er maðurinn eða konan?